Co obxectivo de facilitar a conciliación da vida laboral e familiar, o Concello de Zas, en colaboración coas ANPAs de ambos centros, vén de poñer en marcha para o curso 2023-2024 o programa de Madrugadores. Con este servizo ofréceselle ás familias a opción de que os seus fillos entren no centro antes do inicio das clases.
O servizo prestarase dende o 2 de outubro ata o 21 de xuño, ambos incluídos, en horario de 08:00 a 09:30 horas, sendo a última hora de entrada as 09:00 horas. Os nenos e nenas serán atendidos por persoal cualificado que estará financiado polo Concello de Zas. Para as familias, o servizo terá un custo de 20€ ao mes e aplicaranse reducións para o 2º fillo/a e para as familias numerosas ou monoparentais. Tamén se poderá facer uso del de forma ocasional.
Preinscrición
O programa Madrugadores porase en marcha sempre e cando haxa un mínimo de usuarios/as e para iso xa está aberto ata o 18 de setembro o prazo de preinscrición que se deberá de realizar a través destas vías indicando nome, apelidos e curso do alumno/a, horario de entrada e outras obsevacións:
- CEIP Labarta Pose: anpalabartapose@gmail.com ou no número de Whatsapp 643 877 538
- CPI Zas: Centro Sociocultural de Zas (981 75 13 98)
