Expo Jorge Vilas web

O Centro Sociocultural de Baio retoma a súa programación expositiva cunha mostra fotográfica de Jorge Vilas

O Concello de Zas retoma, despois do parón do verán, a programación de exposicións do Centro Sociocultural de Baio cunha mostra fotográfica do autor Jorge Vilas Souto, que leva por título ‘Entre a auga e o ar’.

A inauguración terá lugar este venres, 2 de outubro, ás 18:00 horas, no Centro Sociocultural de Baio. A exposición permanecerá aberta ao público ata o 13 de novembro.

As persoas interesadas poderán visitar a mostra de martes a venres, de 15:30 a 20:30 horas, e os sábados, de 10:00 a 14:00 horas.

Fotografía ligada ao patrimonio natural e etnográfico de Galicia

Jorge Vilas Souto é afeccionado á fotografía desde o ano 2008 e desenvolveu ao longo destes anos un traballo estreitamente vinculado ao patrimonio natural e etnográfico de Galicia.

A súa obra abrangue diferentes ámbitos, desde a fotografía de paisaxe, con especial atención a fervenzas e muíños, ata a fotografía macro de odonatos e bolboretas, así como a fotografía de aves.

 Dentro destas disciplinas, destaca especialmente o seu interese pola fotografía dos odonatos, libélulas e cabaliños do demo, e polo estudo da súa bioloxía, unha temática á que ten dedicado boa parte do seu traballo.

Unha parte importante deste labor fotográfico pode consultarse nos seus blogues Galicia al Natural e Galicia Nature, nos que recolle boa parte das imaxes e do traballo desenvolvido ao longo dos últimos anos.

Comparte en redes

Últimas novas publicadas

16 Novembro, 2026
O Concello de Zas organiza un programa especial de actividades con motivo do 25 de novembro, Día Internacional da Eliminación da V...
14 Novembro, 2026
As obras de renovación integral da praza do Concello de Zas e das rúas da súa contorna avanzan a bo ritmo, cumprindo co obxectivo ...
6 Novembro, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 Novembro, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 Novembro, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 Outubro, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
Logo concello de zas colorido
Política de privacidade

Este sitio web usa cookies para poder ofrecerche a mellor experiencia de usuario posible. A información das cookies almacénase no teu navegador e realiza funcións como recoñecerte cando volves ao noso sitio web e axudar ao noso equipo a comprender que seccións do sitio web che parecen máis interesantes e útiles.