Xa están rematadas obras como as de acondicionamento da área de estacionamento do tanatorio municipal e do campo de fútbol de Zas e outras estanse a executar, como é o caso da urbanización da praza de Baio
O Concello de Zas ten en marcha actualmente varios proxectos de mellora de infraestruturas que se están a acometer en distintos lugares do noso concello. En total, o goberno municipal leva investidos dende o pasado mes de xuño 732.106,80€ que se destinaron a financiar melloras en distintas parroquias do concello. Estas son as actuacións que se realizaron nos últimos meses así como as que están en fase de execución:
- Aglomerado en Meanos: 67.856,80€
- Urbanización do novo campo da feira de Baio: 314.988,72€
- Melloras nas estradas municipais de Fornelos, O Couto, As Pedrisqueiras, Teixidón en San Roque: 54.371,20€
- Acondicionamento das áreas de estacionamento e de acceso ao campo municipal de fútbol e ao tanatorio de Zas: 92.498,96€
- Ampliación do ancho das estradas municipais de A Churía, A Vicenta e Sobreira: 64.630,59€
- Renovación das beirrarúas e da rede de saneamento na avenida da Cacharosa (Baio): 117.899,34€
- Mellora da eficiencia enerxética no alumeado público e renovación de cadros eléctricos: 6.314,03€
- Reitrada e xestión de lodos: 6.287,16€
- Asistencia técnica: 7.260,00€
O Alcalde de Zas, Manuel Muíño, considera que “todos son investimentos de gran relevancia, que dan resposta ás demandas veciñais e que entran dentro dos proxectos planificados nesta lexislatura”. Ademais destas actuacións, nos vindeiros meses o Concello de Zas executará as obras de ampliación da Escola Infantil de Zas grazas as cales se ofertarán dez novas prazas para nenas e nenos de 0 a 3 anos. Manuel Muíño e Óscar Lema, Tenente de Alcalde, achegáronse ata a nova área de estacionamento do tanatorio municipal.
