Os traballos gañadores empregaranse nas bibliotecas municipais de Zas e Baio acompañando a cada libro que se preste
O Alcalde de Zas, Manuel Muíño, entregou estes días os premios aos gañadores do XI Concurso de Marcapáxinas organizado polo Concello a través das Bibliotecas Municipais de Baio e Zas. E o veredicto non foi doado tomalo, xa que a boa participación que ten este concurso así como a orixinalidade dos traballos presentados polo alumnado do CPI de Zas e do CEIP Labarta Pose, que é a quen vai dirixido o certame, complicou ao xurado a súa decisión.
Os traballos gañadores desta edición foron:
CATEGORÍA A (ata os 5 anos)
- Maahira Singh, do CPI de Zas
- Valeria Fondo, do CEIP Labarta Pose
CATEGORÍA B (de 1º a 5º de Primaria)
- Ada Gramage, do CPI de Zas
- Elsa Paredes, do CEIP Labarta Pose
CATEGORÍA C (de 6º de Primaria e 4º de ESO)
- Nuria López, do CEIP Labarta Pose
- Claudia Lema, do CEIP Labarta Pose
Os traballos premiados utilizaranse na Biblioteca Pública Municipal de Zas e na Axencia de Lectura de Baio acompañando a cada libro que se preste ata o Día das Letras Galegas do 2020. Cada un dos premios consistiu nun lote de libros. Este é un concurso que se enmarca dentro do programa especial adicado as Letras Galegas “Maio, mes das letras”.
Parabéns a todos/as os/as participantes!
