Xa están abertas as inscricións para os obradoiros infantís deste Nadal que está a piques de comezar. Coma sempre, con eles o Concello de Zas pretende facilitar a conciliación laboral e familiar da nosa veciñanza.
Por este motivo este ano ofértanse un maior número de prazas e varias opcións. Coma sempre son todas de balde e teñen preferencia os nenos e nenas maiores de 3 anos empadroados/as no noso municipio. Estas son as quendas dispoñibles:
- Nadal nas Torres: 21 e 22 de decmbro nas Torres do Allo en horario de 16.00 a 17:30 horas
- Campa Nadal Zas: 23, 24, 26 e 27 de decembro no Centro Sociocultural de Zas de 10:00 a 14:00 horas
- Campa Nadal Baio: 30 e 31 de decembro e 2 e 3 de Xaneiro no Centro Sociocultural de Baio en horario de 10:00 a 14:00 horas
Para participar en calquera deles é necesario anotarse previamente no Centro Sociocultural de Zas (981 751 398) ou no Centro Sociocultural de Baio (981 718 056).
Estes campamentos de Nadal están organizados polo Concello de Zas e inclúense dentro do programa de ocio para todos os públicos que debullaremos nos vindeiros días.
