Que é, a quen está dirixido, onde se solicita,… a continuación dámosche todos os detalles sobre o bono social térmico
O Bono Social Térmico é unha axuda ao gas que se lle concede a todos os usuarios que xa teñan o Bono Social Eléctrico, polo que está destinado a fogares vulnerables ou en risco de exclusión.
Esta medida aprobouna o Goberno en outubro de 2018 (Real Decreto-ley 15/2018), facéndose efectiva por primeira vez en 2019 para axudar ás persoas que sofren pobreza enerxética.
A axuda mínima do Bono Social Térmico é de 25€ que pode chegar aos 123,94€ dependendo de grao de vulnerabilidade da persoa e da comunidade autónoma na que resida.
A cantidade a percibir deberase recibir no primeiro trimestre de cada ano mediante un único pago, que se lle ingresará na conta bancaria do usuario.
Como solicitar o Bono Social Térmico 2019?
Para recibir o Bono Social Término non é necesario facer ningunha solicitude xa que se lle outorga de forma automática ao usuario ao ter o Bono Social Eléctrico. Se queres saber como solicitar o Bono Social Eléctrico, preme no seguinte enlace: http://www.concellodezas.org/portal-cidadan/noticia/gl/659/n ou infórmate no departamento de Servizos Sociais do Concello de Zas (981 70 83 03).
Enlaces de interese:
