O Concello de Zas destinou un total de 40.000 euros a esta actuación
O Concello de Zas vén de destinar un total de 40.080,71€ ás obras de ampliación da rede de abastecemento de auga na parroquia de Carreira.
As obras consistiron na renovación e ampliación das tubaxes de auga potable coas que se melloraron o suministro nun núcleo de poboación que sufría desabastecementos puntuais de auga.
O Alcalde de Zas, Manuel Muíño Espasandín, destacou que con esta intervención mellorase notablemente o suministro de auga potable entre a veciñanza de Carreira ademais de eliminar as fugas de auga na rede.
