- Publicadas as bases da convocatoria para cubrir unha praza de auxiliar administrativo con carácter temporal
- Os/as aspirantes dispoñen de 7 días naturais, a contar a partir da mañá mércores, para presentar as instancias
O Concello de Zas vén de publicar as bases para a contratación dun/dunha auxiliar de administrativo con carácter temporal coa finalidade de reforzar o departamento de Servizos Sociais municipal.
As tarefas que desempeñará a persoa seleccionada consistirán na prestación de apoio administrativo e tarefas de atención ao público; tales como mecanografiado de documentos, incorporación dos documentos aos expedientes así como o seu arquivo e rexistro, información ao usuario, redacción de escritos e manexo de bases de datos, atención telefónica así como outros traballos relacionados co posto.
Os/as interesados/as en participar no proceso de selección teñen un prazo de 7 días naturais, que empezará a contar mañá mércores, para presentar as súas instancias nas dependencias administrativas do Concello de Zas.
A selección realizarase mediante o procedemento de concurso-oposición e o contrato será temporal. O Concello de Zas dispón para a prestación deste servizo dunha axuda da Deputación da Coruña dentro do Programa de financiamento dos servizos sociais comunitarios para o exercicio 2018.
