concello-zas-clubs-lectura

O Concello de Zas lanza unha nova proposta cultural coa creación de dous clubs de lectura: un para adultos e outro infantil

Realizaranse xuntanzas mensuais que terán lugar na Axencia de Lectura de Baio

 

O Concello de Zas lanza unha nova proposta cultural coa creación dun club de lectura para adultos e outro infantil. “Esta iniciativa nace coa idea de fomentar a lectura entre a nosa veciñanza e tamén para a creación dun novo espazo para o encontro social arredor dos libros”, sinala o Alcalde de Zas, Manuel Muíño. Estes son uns dos primeiros clubs municipais da comarca. 

Realizaranse reunións mensuais ao longo de todo o curso 2025-2026 e este será un punto de encontro para as persoas participantes no que poderán compartir as súas impresións, intercambiar opinións e crear novas comunidades a través da cultura.

O Club de Lectura de adultos está aberto a toda a veciñanza e está previsto facer unha xuntanza o segundo xoves de cada mes ás 19:00 horas na Axencia de Lectura de Baio. 

Para a rapazada de 8 a 11 anos creamos o Club de Lectura infantil “Papapáxinas” que se reunirá os xoves cada tres semanas de 17:00 a 18:00 horas na Axencia de Lectura de Baio.

Inscricións

Estes clubs de lectura poranse en marcha proximamente e para participar é necesario anotarse previamente no Centro Sociocultural de Baio ou ben a través de calquera destes números de teléfono 981 718 056 / 981 708 303. A inscrición é gratuíta.

Comparte en redes

Últimas novas publicadas

6 Novembro, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 Novembro, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 Novembro, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 Outubro, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
24 Outubro, 2026
Baio acolle desde onte, xoves 22 de outubro, a sexta edición dos Premios Fouciño, un festival dedicado ao audiovisual galego que e...
18 Outubro, 2026
O Concello de Zas porá o broche final á programación do ciclo ‘Afiando Fouciños’ o vindeiro domingo, 18 de outubro, coa proxección...
Logo concello de zas colorido
Política de privacidade

Este sitio web usa cookies para poder ofrecerche a mellor experiencia de usuario posible. A información das cookies almacénase no teu navegador e realiza funcións como recoñecerte cando volves ao noso sitio web e axudar ao noso equipo a comprender que seccións do sitio web che parecen máis interesantes e útiles.