O Concello de Zas foi o primeiro da Costa da Morte en contar cun Plan Xeral adaptado a normativa urbanística vixente. A aprobación definitiva do noso PXOM realizouse logo dunha intensa labor para solventar todas cuestións requiridas pola Dirección Xeral de Urbanismo.
Nestes intres temos definido cal é o nos proxecto de concello, e por eso queremos que toda a nosa xente de Zas e tamén aqueles que queiran desenrolar os seus proxectos empresariais ou de vida no noso concello, teñan coñecemento do que son as bases do noso futuro en común.
Neste apartado poñemos á súa disposición as normativas e as planimetrías resultantes deste traballo, esperando que sexan de grande utilidade, recordándolle que as portas do noso concello están sempre abertas para calquera consulta ou suxestión.
O Concello de Zas pon a disposición da cidadanía unha serie de instalacións modernas e ben equipadas, pensadas para promover o deporte, a cultura e a vida social. Estes espazos ofrecen servizos variados que contribúen ao benestar da veciñanza e á dinamización comunitaria.
As piscinas municipais abren durante a tempada de verán e son un dos recursos máis demandados pola veciñanza. Dispoñen de zonas adaptadas para maiores e pequenos, converténdose nun lugar ideal para refrescarse, practicar a natación ou gozar do tempo libre en familia.
Os dous campos de fútbol municipais acollen partidos oficiais, torneos locais e sesións de adestramento para clubs e escolas deportivas. Son un punto de encontro para o deporte de base e para afeccionados de todas as idades.
Trátase de instalacións versátiles e modernas nas que se poden practicar disciplinas deportivas como baloncesto, fútbol sala ou voleibol, ademais de acoller actividades extraescolares e eventos sociais organizados polo concello.
Este centro é un espazo de dinamización cultural e educativa, dotado dunha biblioteca de acceso público, unha aula de informática e varias aulas destinadas á formación. Nel celébranse tamén obradoiros, cursos e reunións veciñais.
Con biblioteca, aula de informática e servizo de cafetería, este centro convértese nun lugar de encontro para a veciñanza. A súa programación cultural e educativa fai del un espazo de referencia no municipio.
Servicio de tanatorio do Concello de Zas que dispoñe dunha sala velatorio para servizo dos vecinos do concello. Atención 24 horas
Situado no pavillón municipal, o ximnasio está equipado con máquinas de cardio e musculación. É o lugar perfecto para practicar exercicio de maneira regular, mellorar a saúde física e fomentar hábitos de vida saudables.
