A cita, que se enmarca na programación de Nadal organizada polo Concello de Zas, comeza ás 21:30 horas e a entrada é de balde
Despois dunha intensa semana cargada de actividades nos centros educativos do municipio, o programa de Nadal organizado polo Concello de Zas volve mañá con propostas dirixidas principalmente ao público adulto.
Diso encargarase Celso Sanmartín, que xa non é a primeira vez que actúa no noso municipio. “Contar” é o título do monólogo que ofrecerá mañá, a partir das 21:30 horas, no Auditorio de Baio. A entrada é de balde.
Obradoiros
O programa de Nadal do Concello de Zas continúa a próxima semana cos “Obradoiros e xogos de Nadal” dirixido a nenos e nenas de 4 a 12 anos e que se desenvolverán os días 26, 27 e 28 de decembro no Centro Sociocultural de Baio entre as 16:00 e as 19:00 horas. A seguinte quenda será a próxima semana no Centro Sociocultural de Zas.
Para participar nesta actividade é necesario anotarse previamente no número de teléfono 981 751 398 ou no 981 718 056. A inscrición é gratuíta.
