O Concello de Zas vén de poñer en funcionamento a oficina de rexitro CL@VE; un sistema que permite identificarse electronicamente nas relacións coas administracións públicas.
Este novo servizo permite a todas aquelas persoas que o necesiten rexistrar na plataforma CL@VE na propia Casa do Concello, sen necesidade de ter que desprazarse a outros organismos. Ademais poderanse realizar aquí diferentes trámites administrativos.
As persoas que queiran rexistrarse a través deste sistema para obter a CL@AVE permanente deberán presentar o DNI, ou o NIE no caso de que sexan extranxeiros. Este trámite poderá realizarse na oficinas xerais situadas na Casa do Concello de Zas ou na oficina da Técnica Local de Emprego, situada no 1º andar.
Nesta ligazón podes ampliar información sobre a CL@VE e as súas utilidades.
