O vindeiro 1 de maio, ás 18:00 horas, terá lugar o acto, organizado polo Concello de Zas, no que se dará nome ao Centro de Saúde de Baio que a partir dese momento levará o nome de “Centro de Saúde Doutor Manuel Pérez Maroño”.
Así o acordaron por unanimidade os tres grupos con representación no Concello, BNG, PP e PSOE, durante o Pleno Ordinario celebrado o pasado 28 de marzo para que o Centro de Saúde de Baio leve o nome de Doutor Manuel Pérez Maroño “por ser un exemplo de humanidade, compromiso e entrega a súa profesión máis aló da súa obriga profesional”.
Durante o acto, que está aberto a toda a veciñanza, intervirán o alcalde de Zas, Manuel Muíño; Braulio Pérez Astray, fillo do doutor ademáis de médicos da zona e catedráticos da saúde vinculados ao doutor Pérez Maroño. Entre eles están Juan J. Gestal Otero, catedrático da USC; Luciano Vidán, Presidente do Colexio Oficial de Médicos da Provincia da Coruña; Manuel Barral, médico de familia que exerceu durante moitos anos en Cabana de Bergantiños; Santiago López Blanco, mestre no Colexio Labarta Pose a mediados dos anos setenta; e Alfonso Villar López, presidente da Asociación de Veciños Tabeirón na época da apertura do Centro de Saúde baiés.
O remate do acto terá lugar o descubrimento da placa co nome do centro.
