O Museo do Liño de Baio mostra todo o proceso tradicional de elaboración desta fibra histórica.
Este pequeno museo foi impulsado pola Asociación O Santiaguiño, coa finalidade de recuperar e poñer en valor a tradición do liño en Zas. Nas súas instalacións pódese seguir todo o proceso de elaboración, desde o cultivo ata o tecido.
Entre as pezas máis destacadas atópase un tear de máis de 200 anos. O museo organiza ademais demostracións en vivo e actividades de divulgación que manteñen viva unha das artesanías máis representativas da zona.
A asociación AMIGOS DO LIÑO, de ámbito provincial, e con sedeno noso concello, ven desenvolvendo desde 1993 un gran labor de recuperación do proceso artesanal que os nosos antepasados realizaban para a obtención da prezada fibra. Desde a tradición, recuperáronse as ferramentas que se empregaban en cada unha das fases do cultivo e fiado do liño.
Fases:
Ao rematar a fase da fiada facíase unha comida en comunidade como agradecimento a todas as mulleres que fiaban durante o longo inverno, seguidamente celebrábase un baile que as propias fiadeiras organizaban e sobre o que existe un rico folclore que chegou a estar prohibido pola igrexa. Actualmente e recuperada pola asociación AMIGOS DO LIÑO celébrase no mes de Abril esta ” Comida da Fía ” como un evento cultural de renome que reúne a entidades do mundo económico, socio-cultural de Galicia e público en xeral de diferentes procedencias.
Podemos ver instrumentos recuperados e utilizados na confección do liño como teares, fusos … e unha variada colección de prendas textiles e tecidos en:
A Cacharoza – s/n – 15150 Baio – Zas ( A Coruña)
O Castelo de Vimianzo – C/ Da Torre s/n – Vimianzo ( A Coruña)
A.V.P. O Santiaguiño de Carreira – Carreira – Zas ( A Coruña) +34 981 75 12 67
No Museo etnográfico localizado nas Torres do Allo podemos observar tamén a vestimenta de liño que vestían as mulleres campesiñas de principios do século pasado nesta zona.
Comparte este lugar en redes
