Os/as veciños/as que o soliciten recibirán información sobre diferentes novas de carácter municipal
O Concello de Zas vén de abrir unha nova canle de comunicación para a veciñanza a través da aplicación móbil Whatsapp; un dos servizos de mensaxería instantánea máis usados entre os dispositivos móbiles. Conectados contigo é unha iniciativa que xurde do Departamento de Cultura e que ten como obxectivo difundir ao instante información de interese municipal entre os/as veciños/as suscritos facendo que a relación sexa máis próxima e máis áxil.
Para sumarse a esta iniciativa, aqueles veciños e veciñas interesadas deben de dar o seu consentimento expreso realizando os seguintes pasos:
- Engadir nos teus contactos do teléfono o número 663 776 504. Este paso é imprescindible para poder recibir as notificacións
- Enviar un whatsapp coa mensaxe ALTA xunto co teu NOME E APELIDOS
- Tamén se pode dar de alta enviando un correo electrónico ao enderezo adrian.lopez@concellodezas.org coa mensaxe ALTA xunto co NOME E APELIDOS
- Ou se o prefires podes chamar a calquera dos Centros Socioculturais do noso municipio para solicitar o servizo (981 751 398 ou 981 718 056)
No caso de que o/a usuario/a quixera darse de baixa no servizo deberá enviar un WhatsApp indicando BAIXA xunto co NOME E APELIDOS.
A aplicación de Whatsapp está dispoñible de balde en todas as plataformas Android e iOS. No caso de que algún veciño ou veciña teña dúbidas coa súa instalación pode achegarse a calquera dos Centros Socioculturais municipais para resolvelas.
Como funciona Conectados Contigo?
As mensaxes informativas faranse a través de difusións, é dicir, serán mensaxes de sentido único enviadas polo Concello e non grupos nos que interactúen os seus membros. En ningún caso se responderán dúbidas, queixas ou consultas xa que para iso seguiranse empregando as canles habituais do Concello.
O Concello enviará as comunicacións de luns a domingo entre as 09:00 e as 22:00 horas, respectando así as horas de descanso.
Normas de uso:
- Informarase sobre novas e asuntos de especial interese para os cidadáns, eventos e información municipal de interese xeral
- As mensaxes informativas faranse a través de difusións, é dicir, serán mensaxes específicas e de sentido único enviadas polo Concello e non grupos onde interactúen os seus membros.
- En ningún caso se responderán dúbidas, queixas ou consultas, para iso existen as canles habituais do Concello. Só se emitirán mensaxes predefinidas que confirmen o rexistro e a cancelación do servizo ou indicacións a onde debería dirixirse para atopar respostas.
- Non está permitido engadir o contacto “Concello”; en grupos.
- Os usuarios non poderán enviar mensaxes inadecuadas ao servizo de información a través de WhatsApp do Concello, este tipo de mensaxes considerarase como un uso indebido do servizo e isto suporá a retirada deste a ese contacto e o seu bloqueo se fose necesario.
- Todas as persoas usuarias poden solicitar a baixa no servizo en calquera momento enviando BAIXA máis o seu NOME E APELIDOS.
- O Concello Zas pode enviar comunicacións de 9:00 a 22:00 de luns a domingo, para respectar o horario de descanso dos cidadáns.
- Esta normativa será pública e amosarase na páxina web oficial do Concello
www.concellodezas.org
