A segunda fin de semana de agosto, a carballeira de Zas énchese de música, tradición e convivencia coa celebración da Festa da Carballeira, un dos festivais folk máis recoñecidos de Galicia e organizado pola Asociación Castro-Meda coa colaboración do Concello de Zas. Este evento, con máis de 40 anos de historia, transformou o municipio nun punto de encontro imprescindible para amantes da música de raíz, tanto galega como internacional.
O espírito da Carballeira vai máis aló dos concertos: é un espazo de irmandade, onde veciños, visitantes e músicos conviven baixo as árbores centenarias, compartindo cultura, gastronomía e festa. Ademais da música en directo, o festival ofrece actividades paralelas como obradoiros, sesións vermú, pasarrúas, zona de acampada libre e servizos para o público, o que o converte nun evento aberto a todas as xeracións.
Co paso dos anos, o festival foi gañando prestixio e consolidouse como unha cita de referencia no calendario cultural galego, capaz de atraer a máis de 7.500 persoas que converten Zas, por uns días, na capital internacional do folk. Polas súas edicións pasaron algunhas das mellores bandas e artistas do panorama celta e folk europeo, facendo da Carballeira unha experiencia única que combina tradición e modernidade.
Toda a información actualizada sobre programación, entradas, servizos e novidades do festival pódese consultar na súa páxina web oficial: www.festadacarballeira.com.
O Concello de Zas pon a disposición da cidadanía unha serie de instalacións modernas e ben equipadas, pensadas para promover o deporte, a cultura e a vida social. Estes espazos ofrecen servizos variados que contribúen ao benestar da veciñanza e á dinamización comunitaria.
As piscinas municipais abren durante a tempada de verán e son un dos recursos máis demandados pola veciñanza. Dispoñen de zonas adaptadas para maiores e pequenos, converténdose nun lugar ideal para refrescarse, practicar a natación ou gozar do tempo libre en familia.
Os dous campos de fútbol municipais acollen partidos oficiais, torneos locais e sesións de adestramento para clubs e escolas deportivas. Son un punto de encontro para o deporte de base e para afeccionados de todas as idades.
Trátase de instalacións versátiles e modernas nas que se poden practicar disciplinas deportivas como baloncesto, fútbol sala ou voleibol, ademais de acoller actividades extraescolares e eventos sociais organizados polo concello.
Este centro é un espazo de dinamización cultural e educativa, dotado dunha biblioteca de acceso público, unha aula de informática e varias aulas destinadas á formación. Nel celébranse tamén obradoiros, cursos e reunións veciñais.
Con biblioteca, aula de informática e servizo de cafetería, este centro convértese nun lugar de encontro para a veciñanza. A súa programación cultural e educativa fai del un espazo de referencia no municipio.
Servicio de tanatorio do Concello de Zas que dispoñe dunha sala velatorio para servizo dos vecinos do concello. Atención 24 horas
Situado no pavillón municipal, o ximnasio está equipado con máquinas de cardio e musculación. É o lugar perfecto para practicar exercicio de maneira regular, mellorar a saúde física e fomentar hábitos de vida saudables.
