V Mostra de Teatro Afeccionado "Labarta Pose"

O Concello de Zas pon en marcha a VII Mostra de Teatro Afeccionado Labarta Pose na que se repartirán 3.900 euros en premios

Consulta e descarga aquí as bases e os anexos para a inscrición

Xa está en marcha unha nova edición, e van sete, da Mostra de Teatro Afeccionado Labarta Pose organizada polo Concello de Zas a través do seu departamento de Cultura. Unha das principais novidades deste ano é que se aumenta a cuantía dos premios a 3.900€ co fin de fomentar o teatro afeccionado así como o teatro feito en Galicia e en galego.

Na VII Mostra de Teatro Afeccionado “Labarta Pose” poden participar todas aquelas compañías e/ou grupos galegas de teatro afeccionado. No Tablón de Anuncios da Sede Electrónica do Concello de Zas e ao final desta nova poderán consultarse as bases do certame, a documentación requerida así como descargar as fichas de inscrición. O prazo para anotarse xa está aberto sendo o 1 de abril a data límite para enviar a documentación.

Unha vez recibidas todas as solicitudes, un xurado formado por membros do Concello de Zas e do grupo de teatro Badius seleccionará as cinco obras finalistas que se representarán os días 20 e 27 de abril e 4, 11 e 18 de maio. As representacións comezarán entre as 20:00 e as 21:00 horas e repartiranse entre o Auditorio Municipal de Zas e o Auditorio Municipal de Baio. O día da entrega de premios será o 25 de maio nun acto que terá lugar a partir das 18:00 horas no Auditorio de Baio.

3.900€ en premios

Todas as obras finalistas terán premio. En total o Concello de Zas repartirá 3.900€ entre elas que se distribuirán da seguinte maneira: 

  • Premio á mellor obra elixida polo xurado: 900€, trofeo e diploma acreditativo
  • Premio á segunda mellor obra elixida polo xurado: 700€, trofeo e diploma acreditativo
  • Premio á terceira mellor obra elixida polo xurado: 700€, trofeo e diploma acreditativo
  • Premio á cuarta mellor obra elixida polo xurado: 700€, trofeo e diploma acreditativo
  • Premio á quinta mellor obra elixida polo xurado: 700€, trofeo e diploma acreditativo
  • Premio á mellor obra elixida polo público: 200€, trofeo e diploma acreditativo

O mellor actor e a mellor actriz desta sétima edición da mostra tamén recibirán cadanseu trofeo e diploma acreditativo.

O Alcalde de Zas, Manuel Muíño, sinalou que a Mostra de Teatro Afeccionado Labarta Pose “é un referente para o teatro amateur e que cada vez atrae a un maior número de grupos e compañías de toda a comunidade”. 

Editable Anexo I

Editable Anexo II

Editable Anexo III

Editable Anexo IV

Proposta de Bases e convocatoria da VII Mostra de Teatro afeccionado Labarta Pose

 

Comparte en redes

Últimas novas publicadas

20 Novembro, 2026
O Centro Sociocultural de Baio inaugurou hoxe a exposición ‘Castelao Grafista (facsímile)’, unha importante mostra que afonda na d...
17 Novembro, 2026
O Centro Sociocultural de Baio do Concello de Zas acollerá a exposición ‘Castelao Grafista (facsímile)’, unha proposta cultural qu...
16 Novembro, 2026
O Concello de Zas organiza un programa especial de actividades con motivo do 25 de novembro, Día Internacional da Eliminación da V...
14 Novembro, 2026
As obras de renovación integral da praza do Concello de Zas e das rúas da súa contorna avanzan a bo ritmo, cumprindo co obxectivo ...
6 Novembro, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 Novembro, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
Logo concello de zas colorido
Política de privacidade

Este sitio web usa cookies para poder ofrecerche a mellor experiencia de usuario posible. A información das cookies almacénase no teu navegador e realiza funcións como recoñecerte cando volves ao noso sitio web e axudar ao noso equipo a comprender que seccións do sitio web che parecen máis interesantes e útiles.