Será durante o encontro que terá lugar mañá ás 21:30 horas no Auditorio da vila
O Auditorio de Baio acolle mañá, ás 21:30 horas, un encontro no que participarán o Alcalde de Zas, Manuel Muíño, membros da Asociación de Empresarios Comarca de Soneira e responsables do sector comercial, hostaleiro e do automóbil de Baio. Durante a xuntanza o rexedor presentaralle as diferentes propostas que o Concello de Zas ten previsto poñer en marcha co fin de impulsar a feira de Baio.
A primeira delas tratará sobre o cambio de ubicación da feira, que dende este domingo – 16 de xaneiro – celebrarase na nova praza da vila. Por este motivo, o Concello de Zas ten previsto realizar varias actividades que teñen como obxectivo dinamizar a actividade comercial da vila.
