Concello de Zas

O Concello de Zas oponse á decisión do INE de fusionar as mesas electorais de Muíño e Pudenza

O Concello de Zas oponse á decisión do Instituto Nacional de Estatística (INE) de fusionar as mesas electorais da parroquia de Muíño e a localidade de Pudenza de cara ás eleccións xerais do vindeiro 29 de novembro, o que suporía a desaparición da primeira. Este escenario vén provocado pola cifra de electores (190), que non acada o mínimo de 200 que esixe a Lei 5/1985, do 19 de xuño, Orgánica do Réxime Electoral Xeral.

O Responsable do Censo Electoral e do Padrón do INE trasladoulle ao Concello o pasado luns a necesidade de formular unha proposta para solucionar esta situación. Dende o Executivo local manifestan o coñecemento da normativa vixente, mais destacan que a diferenza é de apenas 10 persoas e que isto, nun municipio de menos de 5.000 habitantes, moi envellecido e eminentemente rural, podería condicionar o acceso ao voto da veciñanza.

Manuel Muíño, alcalde de Zas, asegura nun comunicado remitido ao INE que “a poboación do Concello, e de toda Galicia, é moi dispersa e as comunicacións dispoñen dunha infraestrutura viaria difícil, tanto pola súa orografía como polas condicións meteorolóxicas que se agardan na data das eleccións, dificultando o transporte dos colectivos de maior idade”. O rexedor engade que “de eliminarse a mesa, aumentaría a abstención”.

Segundo explica Muíño, “a lei está feita para toda España, pero non é o mesmo, evidentemente, o Concello de Madrid que o de Zas”. “A normativa non está pensada para os concellos pequenos nin para os concellos galegos”, apunta.

Dende o Goberno local defenden “o dereito ao voto e o acceso ás urnas como piar esencial do sistema democrático existente no noso Estado de Dereito” e propoñen “o mantemento nas vindeiras eleccións de todas as mesas existentes na última xornada electoral, evitando a súa fusión”.

Por último, advirten de que esgotarán “todas as medidas legais que se estimen oportunas” para manter as mesas de Muíño e Pudenza.

Comparte en redes

Últimas novas publicadas

6 November, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 November, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 November, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 October, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
24 October, 2026
Baio acolle desde onte, xoves 22 de outubro, a sexta edición dos Premios Fouciño, un festival dedicado ao audiovisual galego que e...
18 October, 2026
O Concello de Zas porá o broche final á programación do ciclo ‘Afiando Fouciños’ o vindeiro domingo, 18 de outubro, coa proxección...
Logo concello de zas colorido
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.