Exposición libélulas

Jorge Vilas inaugura a tempada de exposicións do Centro Sociocultural de Baio cunha mostra fotográfica sobre as libélulas

O Centro Sociocultural de Baio inaugurou esta fin de semana unha nova tempada de exposicións despois do parón habitual durante os meses de verán. Fíxoo da man do fotógrafo Jorge Vilas Souto, cuxa mostra ‘Entre a auga e o ar’, centrada nas libélulas, tivo unha acollida moi positiva entre as persoas asistentes.

Manuel Muíño, alcalde de Zas, asegura que se trata dunha “exposición moi interesante sobre este insecto, cunha fotografía espectacular”. Así mesmo, agradece a colaboración de Jorge Vilas, que guiou ás persoas que acudiron ao local coas súas explicacións e descricións.

Ademais, sinala que “todo isto foi posible grazas ao traballo de Tania Carreira, que conseguiu que un grande artista, un gran fotógrafo da natureza, protagonizara a primeira exhibición da tempada”.

Esta exposición abriu as súas portas ao público o pasado venres, 2 de outubro, e estará dispoñible, de xeito totalmente gratuíto, ata o 13 de novembro. Poderá visitarse de martes a venres en horario de 15:30 a 20:30 e os sábados das 10:00 ás 14:00 horas.

O patrimonio natural e etnográfico galego a través dunha cámara.

Jorge Vilas Souto leva case dúas décadas, concretamente dende 2008, desenvolvendo un traballo estreitamente vinculado ao patrimonio natural e etnográfico de Galicia.

A súa obra abrangue diferentes ámbitos, que van dende a fotografía de paisaxe, con especial atención a elementos característicos da comunidade como as fervenzas e os muíños; ata a fotografía macro de odonatos e bolboretas, así como a fotografía de aves.

Dentro destas disciplinas, destaca principalmente o seu interese pola fotografía de insectos como as libélulas e os cabaliños do demo e polo estudo da súa bioloxía, á que dedicou boa parte do seu traballo. 

Este labor fotográfico pode consultarse nos seus blogues Galicia al Natural e Galicia Nature, nos que recolle moitas das imaxes capturadas ao longo dos últimos anos.

Comparte en redes

Últimas novas publicadas

6 November, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 November, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 November, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 October, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
24 October, 2026
Baio acolle desde onte, xoves 22 de outubro, a sexta edición dos Premios Fouciño, un festival dedicado ao audiovisual galego que e...
18 October, 2026
O Concello de Zas porá o broche final á programación do ciclo ‘Afiando Fouciños’ o vindeiro domingo, 18 de outubro, coa proxección...
Logo concello de zas colorido
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.