Concello-Zas-colector marron

O Concello de Zas implanta o colector marrón de uso exclusivo para os residuos orgánicos

O domingo, coincidindo coa feira de Baio, realizarase a primeira das accións informativas que se realizarán durante os vindeiros meses Instalarase a caprta “Ti tes a chave” na Praza Jorge Mira na que se lle ofrecerá información a todas as familias que desexen participar na iniciativa

Co fin de adaptarnos aos novos criterios de xestión de residuos que indican tanto dende Europa como desde a Xunta de Galicia, o Concello de Zas implanta o colector marrón de uso exclusivo para os residuos orgánicos. Diversos estudos indican que case a metade do lixo que se produce no fogar é materia orgánica.

O colector marrón comezarase a implantar a principios do próximo ano no noso municipio. Unha das súas particularidades é que este será un depósito pechado polo que para facer uso del será necesario ter unha chave. Para iso, dende o Concello de Zas buscamos familias que desexen implicarse neste novo proxecto de recollida selectiva de residuos.

Durante estes meses realizaranse por todo o municipio diversas accións informativas. A primeira delas será o vindeiro domingo, na Praza Jorge Mira Pérez. Coincidindo coa feira de Baio, instalarase unha carpa baixo o nome “Ti Tes a Chave” á que se poden achegar todas aquelas familias que desexen sumarse á campaña. Alí farase a entraga da chave para abrir o colector xunto cun kit de benvida que consta dun cubo de 10 litros, bolsas compostables e un folleto informativo para facer un uso correcto do colector.

Accións informativas nos Centros de Ensino

As sesións informativas estenderanse ao centros de ensino ubicados no Concello de Zas. A primeira será o vindeiro luns, día 18, no CPI de Zas e na que haberá diferentes sesións adaptadas aos diferentes cursos académicos. Ao día seguinte, o martes 19, será a quenda do CEIP Labarta Pose e o día 26 realizaranse as sesións informativas no IES Maximino Romero de Lema.

Que residuos son para o colector marrón?

Os residuos que deben de ir no colector marrón son: restos de froita, verdura, carne e peixe; cunchas de mariscos ou froitos secos, restos de pan, café, infusións, papel de cociña, restos de prantas, cortizas,…. 

Pola contra, nunca deberán depositarse no colector marrón os envases, cueiros, compresas, bastonciños dos oídos, plásticos ou calquera outro tipo de residuo non orgánico.

Comparte en redes

Últimas novas publicadas

16 November, 2026
O Concello de Zas organiza un programa especial de actividades con motivo do 25 de novembro, Día Internacional da Eliminación da V...
14 November, 2026
As obras de renovación integral da praza do Concello de Zas e das rúas da súa contorna avanzan a bo ritmo, cumprindo co obxectivo ...
6 November, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 November, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 November, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 October, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
Logo concello de zas colorido
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.