O Alcalde de Zas, Manuel Muíño; e o Tenente de Alcalde, José Manuel Brenlla; achegáronse esta mañá ata o campo municipal Platas de Reinoso de Baio onde puideron comprobar o avance das obras de mellora que se están a realizar.
Os traballos, nos que o Concello de Zas inviste un total de 264.905,89€, consisten principalmente en:
- Substitución do céspede de herba artificial actual por outro de última xeración.
- Renovación dos equipamentos deportivos, tales como as porteirías de fútbol 11 e 7 e bandeiríns.
- Instalación de novos asientos na gradería existente.
- Colocación dun marcador electrónico.
- Reforma da cantina.
As obras teñen un prazo de execución de dous meses.
