Este domingo, 25 de maio, a partir das 10:00 horas celebramos na Praza Jorge Mira Pérez a II Xornada Canina Concello de Zas.
O evento – organizado polo Concello de Zas xunto coa Asociación de Centro Legales de Cría y Cuidado Responsable e o Centro Veterinario Cenvet – comeza a partir das 10:00 horas cunha exposición de criadores profesionais que puntuará para o campionato galego Ascelcre/Expogal.
Ao redor das 11:30 horas comezará o concurso local canino aberto a toda a veciñanza que desexe participar co seu can co único requisito que teña identificación a traves do microchip. Entre todos os participantes haberá un sorteo de agasallos e premios especiais para o can máis guapo e para o máis simpático. Para participar é necesario anotarse previamente no Centro Sociocultural de Baio, no número de teléfono 981 718 056 ou a través do formulario https://bit.ly/concursocanino25 . E tamén é posible anotarse o propio día do evento antes do inicio do concurso. A inscrición é de balde.
Unha vez rematado o concurso local, haberá unha exhibición canina que realizarán os criadores profesionais con destacados exemplares. O evento remata ao redor das 13:30 horas coa entrega de premios.
