Un ano máis, os Ratiños de Lonxedetodo – da compañía Trinke Trinke Teatro – regresan ás nosas bibliotecas. A estes simpáticos roedores encántanlle os libros e queren transmitirlle a súa paixón pola lectura aos nenos e nenas do noso municipio. Así que durante os vindeiros meses sairán de cando en vez do seu agocho para contarnos e cantarnos unha morea de historias coas que pasaremos un anaco en familia ben divertido. Farannos dous espectáculos aos mes, que serán na Axencia de Lectura de Baio e na Biblioteca Municipal de Zas e nos dous casos comezan sempre as 18:00 horas.
Este é o programa:
- “Viaxe pola Galicia Encantada”: 4 e 5 de novembro
- “Os ratiños da caixa”: 2 e 3 de decembro
- “Ovos, letras e galiñas”: 13 e 14 de xaneiro
- “Viaxe a África”: 10 e 11 de febreiro
- “Un nacemento especial”: 24 e 25 de marzo
- “Lonxedetodo en festas!”: 14 e 15 de abril
- “Contos para andar o camiño”: 12 e 13 de maio
Esta é unha actividade gratuíta e que está organizada polo Concello de Zas, a través do seu departamento de Cultura, en colaboración coa compañía Trinke Trinke Teatro.
