O Concello de Zas vén iniciar o procedemento de contratación de varias obras de mellora que se realizarán nos vindeiros meses en diferentes puntos do municipio que en total suman un importe de 721.929,08€.
Segundo o Alcalde de Zas, Manuel Muíño, “trátase dun importante investimento para un concello de menos de 5.000 habitantes como é o noso”. Todos os traballos forman parte do plan de conservación e mellora das estradas e infraestructuras de titularidade municipal. Estas son as obras que se licitarán brevemente ou que xa están licitadas:
- Reparación das fachadas do Centro Sociocultural de Baio (93.782,52€ + IVE)
- Ampliación da Ponte de O Allo (134.533,74€ + IVE)
- Rede de saneamento de Rial de Abaixo (48.434,54€ + IVE)
- Mellora de camiños da concentración parcelaria situados en Brandoñas, Marán e Andragalla (145.052,97€+ IVE)
- Adecuación de bordo da estrada DP-9304 entre o núcleo urbano de Zas e o núcleo rural de Ventoselo (101.355,14€+ IVE)
