O Concello de Zas investiu máis de 98.000 euros nestes traballos con cargo ao POS+ 2019
Estes días remataron os traballos de mellora que se realizaron en varias estradas de titularidade municipal e que se concentraron nas parroquias de Zas, Baio e San Adrián. En concreto investirónse un total de 98.698,67€, con cargo ao Plan Único da Deputación da Coruña POS+ 2019.
As obras consistiron na limpeza e apertura das cunetas e na renovación do firme cunha capa de aglomerado en quente de cinco centímetros de groso. En total renováronse case 11.000 metros cadrados de estradas municipais que presentaban un notable deterioro debido á climatoloxía e ao seu uso. A empresa encargada de realizar os traballos foi Ponciano Nieto S.L.
Estas foron as estradas arranxadas:
- Carretera de Ponte “Relojero” a DP. 9302 (Zas)
- Rúa da Fábrica
- Vilar do Mato
- Carretera Carballeira de Zas – O Vento
- Carretera Carballeira de Baio – Parque infantil
- Carretera San Adrián – Brandomil (tramo Berbia – O Vento)
As obras entran dentro do plan de mantemento e conservación de vías e espazos públicos posto en marcha polo Goberno Municipal de Zas que ten como finalidade mellorar a seguridade viaria así como a estética da nosa estensa rede de vías de titularidade municipal.
