O Concello de Zas investiu máis de 20.000 euros na mellora da confortabilidade destes dous espazos
Mellorar a confortabilidade é o principal obxectivo das recentes obras de climatización que se veñen de realizar no Auditorio de Baio e no local de reunións situado no edificio Pomares da vila. O Concello de Zas investiu nestes traballos un total de 20.121,42 euros (IVE incluído) dando así resposta a unha demanda veciñal. O novo sistema de climatización instalado é un dos máis eficientes do momento cun consumo de enerxía reducido e cun alto rendemento. Ademais de ser moi silencioso, o sistema de climatización do Auditorio de Baio e do local de reunións adáptase ás condicións climatolóxicas tanto do inverno como do verán.
Nos próximos días xa se poderán comprobar os traballos durante algunhas das actividades do programa de Nadal que se realizarán no Auditorio de Baio.
O Auditorio de Baio ten unha importante actividade cultural ao longo de todo ano, xa aquí se concentran unha boa parte das propostas organizadas tanto polo Concello de Zas como polas distintas asociacións da vila. Ademais, este é un punto de referencia para moitas dos encontros e cursos organizados por entidades comarcais como o GDR ou a Federación Galega de Fútbol cuxa sede da Costa da Morte está no propio edificio.
