Un dos pratos fortes serán os case 30 postos de artesanía que se instalarán durante toda a fin de semana na carpa climatizada situada na Praza Jorge Mira Pérez. Son artesáns locais e da comarca e entre eles que nos ofrecerán diferentes pezas de madeira, cerámica, textís, xoiería,… realizadas a man.
A 1ª Feira de Artesanía de Nadal arrancará mañá as 11:00 horas cuns pinchos de inauguración. E iso é todo o que temos preparado para a xornada de mañá:
Demostración de tornería en vivo, con José M. Prado Nimo: durante todo o día
18:00 horas: Taller de costura infantil, con Ana Trasariz
19:30 horas: Monólogo “Tres vellas na romaría” con Quico Cadaval, Celso Sanmartín e Guti
As actividades continúan o domingo, día no que tamén se celebra a tradicional feira de Baio. E xunto con ela haberá as seguintes propostas:
13:30 horas: Sesión vermú con “O Tren da Unha”
17:30 horas: Música infantil con “Paco Nogueiras”
Durante os dous días, haberá unha pulpeira na Praza Jorge Mira e unha cantina atendida polo alumnado de 4º da ESO do IES de Baio co fin de recadar fondos para a excursión de fin de curso.
Campaña comercial
Ao mesmo tempo, mañá tamén comeza a campaña comercial na que os diferentes establecementos queren premiar a clientela deste Nadal cun sorteo de 1.000€ en bonos de compra que se realizará entre todas as compras que se fagan ata o 5 de xaneiro. Os case 70 locais participantes teñen nas súas portas ou nos escaparates unhas enormes piruletas.
As compras realizadas durante esta fin de semana terán dobre premio xa que ademáis de participar no sorteo de Nadal dos 1.000€ recibirán un vale para canxear por chocolate no posto instalado na carpa e baixo a cortesía de Feirauto.
Esta fin de semana agardámosvos en Baio!
