O Concello de Zas organiza para os próximos días 21, 22 e 23 de xuño unha viaxe a Cantabria, visitando Santander (Xardíns de Piquio, praia do Sardinero e Península da Magdalena), Parque de Cabárceno, Comillas (Capricho de Gaudí, Palacio Episcopal e Universidade Pontificia), Covas de Altamira e Santillana del Mar.
Os únicos requisitos para poder inscribirse son ser maior de 18 anos e estar empadroados/as no Concello. O número de prazas está limitado a 55, e o prezo ascende a 120 ?, incluíndo viaxe en autocar, pensión completa, excursións e seguro de viaxe. A entrada a Cabárceno e ás Covas de Altamira non se inclúen, pero son prezos asequibles para grupos.
O prazo para anotarse remata o xoves, 17 de xuño.
