O domingo 30 de maio ás 11:00 horas no Auditorio do Concello, e o 6 de xuño ás 17:00 horas no Auditorio de Baio vaise celebrar a clausura das Escolas de Teatro do Concello de Zas, nas que participaron 35 nenos e nenas de 7 a 14 anos repartidos en dous grupos ( Zas e Baio).
As clases comezaron no mes de outubro, e tiveron lugar os sábados de 12 a 13:30 horas en Baio, e de 15:30 a 17:00 horas en Zas. Os monitores encargados da actividade foron Marco Álvarez e Pablo Soto, ambos pertencentes ao Grupo de teatro Badius.
As obras que van representar os dous días son as seguintes:
– O Picarón
– Tres Cacholas
– Aprendiz de bruxo
– Lío de mozos
– Xan o troglodita
– Rei Leandro
– Historias do Bar Tolo
Ao remate das actuacións do domingo 6 de xuño, os alumnos recibirán cadanseu diploma de mans do alcalde de Zas, Manuel Muíño.
