mostra_exin_castillos_torres_do_allo_zas

A exposición de maquetas sobre o patrimonio galego permanecerá nas Torres do Allo ata o mes de setembro

O deputado de Patrimonio, Xosé Lois Penas, e o alcalde de Zas, Manuel Muíño, realizaron esta mañá unha visita á mostra da man da Asociación Exín Castillos, que promove a iniciativa

O deputado de Patrimonio, Xosé Lois Penas, o e alcalde de Zas, Manuel Muíño, realizaron esta mañá unha visita á exposición de maquetas sobre o patrimonio galego que está instalada desde o pasado mes de abril nas Torres do Allo. Esta mostra, que reúne 15 maquetas que reproducen patrimonio moi representativo do país, permanecerá aberta ao público ata o mes de setembro. Ata mediados de xuño pode visitarse nas fins de semana e durante o período estival poderá visitarse de luns a domingo.

 

“Pensamos que esta mostra é unha forma lúdica e atractiva de dar a coñecer o noso patrimonio, e máis aínda nun marco tan acaído como son as Torres do Allo” asegurou Xosé Lois Penas tras a visita. O deputado de Patrimonio puxo en valor a oportunidade que ofrece “como percorrido por diferentes enclaves emblemáticos do noso territorio, mais tamén da nosa histororia, nomeadamente do período medieval”.

 

Pola súa banda o alcalde de Zas, Manuel Muíño indicou que “estou seguro que esta iniciativa vai sorprender a todos os visitantes que se acheguen durante estes meses ás Torres do Allo”. Ademais, quixo salientar que “aínda que todas as reproducións son de monumentos moi coñecidos, a min gustaríame sinalar que inclúe dous moi representativos do Camiño, a Catedral de Santiago e o faro de Fisterra”.

 

Na visita tamén participaron o concelleiro de Cultura de Zas, José Manuel Brenlla, e representantes da Asociación Exin Castillos, Fran Guerra e Xurxo Barcala, entidade promotora da iniciativa. Exin Castillos, fora un xoguete moi popular na década de 1980 que se baseaba na venda de pezas para construír castelos medievais. En 2015, os membros da Asociación Exin Castillos recuperaron a súa afección e dedicáronse a recrear os monumentos máis recoñecidos da cultura  cos mesmos xoguetes que usaban de cativos.

 

Os monumentos da provincia da Coruña que aparecen representados na mostra son o Faro de Fisterra, a Catedral de Santiago, o monumento aos Mártires de Carral, a Torre de Hércules, o Pazo de Meirás, a igrexa de Santa María de Cambre, o Torreón dos Andrade e as Torres do Allo. No verán incorporarase o Castelo de Moeche – que está depositado permanentemente no propio Castelo de Moeche-. Tras a visita, o deputado de Patrimonio e a Asociación Exín Castillos falaron da posibilidade de incorporar á colección maquetas do Castelo de Vimianzo e do Mosteiro de Caaveiro.

Comparte en redes

Últimas novas publicadas

6 November, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 November, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 November, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 October, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
24 October, 2026
Baio acolle desde onte, xoves 22 de outubro, a sexta edición dos Premios Fouciño, un festival dedicado ao audiovisual galego que e...
18 October, 2026
O Concello de Zas porá o broche final á programación do ciclo ‘Afiando Fouciños’ o vindeiro domingo, 18 de outubro, coa proxección...
Logo concello de zas colorido
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.