Despois da súa posta a punto, este domingo abrirán as súas portas ao público as piscinas municipais.
Todas aquelas persoas que desexen facer uso das instalacións durante todo verán poderán facer o seu carné de usuario/a no Rexistro do Concello de Zas. O custe da inscrición para toda a tempada é de 9 euros para a rapazada de ata 14 anos e de 12 euros para os maiores de 14 anos. Tamén está aberto o prazo de renovación dos carnés expedidos en anos anteriores. Calquera destes trámites débense de realizar no Rexistro do Concello de Zas, en horario de luns a venres de 09:00 a 13:00 horas.
Todas aquelas persoas que non dispoñan do carné da piscina poden facer igualmente uso das instalacións pagando a entrada diaria que ten un custo de 0,60€.
Na páxina web do Concello de Zas e nas redes sociais municipais poderase consultar o calendario de apertura das dúas piscinas municipais.
Cursos de natación
Ao igual que nos anos anteriores, durante os meses de xullo e agosto ofertaremos cursos de natación gratuítos para todas as idades. Pódese ampliar información ao respecto na Casa do Concello ou a través do número de teléfono 981 708 303.
