Unhas 900 persoas asistirán mañá á 26ª Festa dos Maiores organizada polo Concello de Zas.
O pavilón municipal de Zas será o punto de encontro desta xuntanza na que participan veciños e veciñas de todo o concello. As portas abriranse a partir das 12:00 horas e todos/as os/as convidados/as deberán presentar o seu convite xunto co Documento Nacional de Identidade.
Coma sempre haberá un recoñecemento para o veciño e para a veciña de maior idade que acudan á 26ª Festa dos Maiores e non faltará a música. Disto encargaranse os grupos de baile e música tradicional da Asociación Cultural Adro e Churía de Zas que actuarán antes do xantar de confraternidade. A música continuará durante toda a tarde da man do Trío Karma.
