O pavillón municipal de Zas acolle o 1 de marzo o tradicional concurso de disfraces con 1.750€ en premios
Xa está aquí o Entroido 2022 e no Concello de Zas acabamos de deseñar un programa con actividades para que toda a familia Saia ás rúas para desfrutar dunha das nosas festas máis típicas. Pasarrúas, desfiles, obradoiros infantís, concurso de disfraces e filloas á pedra forman parte da completa programación artellada polo departamento de Cultura do Concello de Zas e que detallamos a continuación:
- Domingo, 20 de febreiro. Baio
– 11:30 horas: Pasarrúas e cantos de taberna co grupo Gaiteiros Desbrosadores e Nelson Quinteiro
- Sábado, 26 de febreiro. Baio
– 17:30 horas: Desfile ancestral polas rúas de Baio cos grupos Gaiteiros Desbrosadores, Gaiteiros das Rías Baixas e colectivo Máis Cantos
– 18:30 horas: Serán de entroido na nova praza de Baio cos grupos do desfile e a dinamización do grupo Tabernarios Trío
- Obradoiros infantís
– Domingo, 27 de febreiro (Torres do Allo). 16:00 horas. Obradorio de entroido para nenas e nenos de 4 a 12 anos
– Luns, 28 de febreiro (Centro Sociocultural de Zas). De 11:00 a 13:00 horas: Obradoiro de entroido para nenas e nenos de 4 a 12 anos
– Martes, 1 de marzo (Centro Sociocultural de Baio). De 11:00 a 13:00 horas: Obradoiro de entroido para nenas e nenos de 4 a 12 anos
Para participar en calquera destes obradoiros é obrigatorio anotarse previamente no Centro Sociocultural de Zas (981 751 398) ou no Centro Sociocultural de Baio (981 718 056).
- Concurso de disfraces
O martes de entroido, 1 de marzo, celebramos o tradicional concurso de disfraces no pavillón municipal de Zas. A festa comeza ás 16:00 horas cun espectáculo de cabaré infantil e co reparto de filloas á pedra. E xa as 19:00 horas comezará o concurso de disfraces no que se repartirán 1.750€ en premios distribuidos nas seguintes categorías:
- Categoría A (de 0 a 5 anos)
– 1º premio: 150€
– 2º premio: 75€
- 3º premio: 50€
- Categoría B (de 6 a 14 anos)
– 1º premio: 150€
– 2º premio: 75€
- 3º premio: 50€
- Categoría C (maiores de 15 anos)
– 1º premio: 250€
– 2º premio: 150€
- 3º premio: 100€
- Grupos e comparsas
– 1º premio: 300€
– 2º premio: 200€
- 3º premio: 100€
- Premio especial “Zaschoqueiro”: 100€ (no que se valorará a peculiaridade e a orixinalidade do disfraz que debe ser artesanal)
Para participar no concurso de disfraces é necesario anotarse previamente nas dependencias municipiais ou o propio día do certame antes das 18:00 horas no pavillón de Zas entregando debidamente cumprimentada a Ficha de Inscrición que se pode descargar a través da seguinte ligazón da Sede Electrónica do Concello de Zas: https://bit.ly/3BmHN6Z
COVID19
É importante recordar que en todo momento seguirase a evolución da pandemia e será obrigatorio cumprir todas as medidas de prevención sinaladas polas autoridades sanitarias para frear a COVID19.
