Concello de Zas

O Centro Sociocultural de Baio acollerá a exposición ‘Castelao Grafista’, unha ampla mostra sobre a faceta artística do intelectual galego

O Centro Sociocultural de Baio do Concello de Zas acollerá a exposición ‘Castelao Grafista (facsímile)’, unha proposta cultural que permitirá afondar na dimensión artística de Alfonso Daniel Rodríguez Castelao, unha das figuras máis destacadas da cultura galega. A mostra, da man de Afundación Obra Social ABANCA, inaugurarase o vindeiro 19 de novembro, ás 12:00 horas, e permanecerá aberta ao público ata o 26 de decembro.

Con esta importante mostra sobre Castelao, o centro sociocultural sigue a ser un dos referentes culturais da comarca como un lugar para expoñer a obra  de xoves artistas, tanto fotógrafos coma  pintores. Nesta inauguración da nova tempada exponse unha aclamada exposición que se exhibiu xa nas principais vilas e cidades de Galicia. Temos que agradecer a ABANCA pola cesión desta exposición e a Tania Carreira polo traballo realizado para achegar esta mostra ao noso concello

A exposición reúne 19 facsímiles da Colección de Arte Afundación e 89 debuxos de ‘Cousas da vida’ de Castelao, 49 deles pertencentes á Colección de Arte ABANCA. Ademais, incorpora obras procedentes doutras institucións, galerías e coleccións particulares, ofrecendo unha visión ampla e representativa da súa produción gráfica.

Entre os materiais que se poderán contemplar figuran tres retratos fotográficos, catro caricaturas e 17 debuxos e portadas de revistas. A exposición permite tamén achegarse ao texto orixinal de ‘Nós’ e descubrir dous manuscritos de Castelao, 18 portadas das primeiras edicións dos seus libros, tres páxinas interiores, 14 portadas de libros ilustradas polo propio autor e outros tres debuxos.

O acto inaugural contará coa presenza do alcalde de Zas, Manuel Muíño; da coordinadora da Área de Cultura de Afundación, María Teresa Cores; do coordinador institucional de ABANCA, José Manuel Vilariño; do director de Zona de ABANCA, Luis Braulio Álvarez; e da directora de Oficina, Inés Casariego.

A exposición poderá visitarse no Centro Sociocultural de Baio de martes a venres, en horario de 15:30 a 20:30 horas, e os sábados de 10:00 a 14:00 horas, completamente de balde.

Inauguración da mostra 'Castelao grafista (facsímile)'
Inauguración da mostra ‘Castelao grafista (facsímile)’
Comparte en redes

Últimas novas publicadas

16 noviembre, 2026
O Concello de Zas organiza un programa especial de actividades con motivo do 25 de novembro, Día Internacional da Eliminación da V...
14 noviembre, 2026
As obras de renovación integral da praza do Concello de Zas e das rúas da súa contorna avanzan a bo ritmo, cumprindo co obxectivo ...
6 noviembre, 2026
O histórico Pazo das Torres do Allo volverá ser este outono o epicentro da festa e da tradición na Costa da Morte. O Concello de Z...
5 noviembre, 2026
O Goberno municipal de Zas anuncia a convocatoria de 180 bolsas de axuda ao estudo para o curso 2026/2027. Estas subvencións están...
3 noviembre, 2026
O Concello de Zas resultou beneficiario dunha subvención ao abeiro da Orde do 22 de maio de 2026 para a contratación dunha persoa ...
31 octubre, 2026
O Concello de Zas contará durante o curso 2026-2027 cunha nova edición do programa ‘Os Ratos de Lonxedetodo’, desenvolvido por Tri...
Logo concello de zas colorido
Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.