O sábado 23 de setembro, ás 13:00 horas, farase a entrega de premios ás tres persoas gañadoras da primeira edición do concurso nas Torres do Allo.
Logo de que se reunira o xurado, formado por profesionais especializados na fotografía, e escollera as 10 imaxes finalistas que concursaron nas redes sociais de Facebook e Instagram por acadar o maior número de «gústame», o pasado día 11 ás 00:01 horas obtivéronse os resultados das concorridas votacións:
- Martiño Rivera Dourado con 434 votos.
- Yuri de Vargas con 376 votos.
- Conchi Retana con 178 votos.
Os tres gañadores recibirán este sábado, ás 13:00h., os seus correspondentes premios en metálico (100€ para o primeiro finalista, 75€ para a segunda e 50€ para a terceira) no que foi o protagonista e escenario das súas fotografías, o considerado primeiro pazo de Galicia, as Torres do Allo.
