O Centro Sociocultural de Zas será o punto de saída e de chegada da XVII Concentración de Motos Antigas; un encontro que organiza o Concello de Zas en colaboración con Motos Josi.
“Para nós é un pracer que no noso municipio se realicen este tipo de eventos e dos que quedan poucos, xa que en toda a Costa da Morte só se celebran dúas concentracións de motos antigas; a de Zas e a de Carballo”, sinalou o Alcalde, Manuel Muíño, durante a presentación do cartel. Estivo acompañado de César Vázquez, de Lamas, que é outra das persoas que está detrás da organización deste encontro.
Unha das novidades desta edición é a data, xa que se celebra o vindeiro 8 de xuño; uns días antes do habitual para non coincidir con outros eventos da zona.
No encontro poden participar todas aquelas persoas cunha moto de máis de 35 anos. Coma sempre realizarase un percorrido por algúns dos puntos máis emblemáticos da Costa da Morte: cabo Vilán, Cereixo e praia do Lago, entre outros. O prezo é de 15€ para aquelas persoas que queiran participar na ruta e nos que se inclúen uns pinchos e de 35€ para aquelas que ademáis dexesen participan nun xantar de confraternidade que terá lugar no restaurante Tívoli de Zas.
Inscricións
Para participar é necesario anotarse antes do 4 de xuño no número de teléfono 698 178 654.
