O vindeiro 4 de maio celebramos no Pavillón Municipal de Zas a 25ª Festas dos Maiores de Zas; unha das citas máis agardadas por moitos dos nosos veciños e veciñas.
Como vén sendo habitual, as portas abriranse a partir das 12:00 horas e contaremos coas actuacións dos grupos de baile e música tradicional da Asociación Cultural Adro e de Churía de Zas Despois comezará o xantar de confraternidade e o Trío Karma amenizará a xuntanza durante toda a tarde.
Ao xantar están convidados todos os veciños e veciñas maiores de 60 anos así como as súas parellas, no caso de que teñan menos de dita idade. Para asistir é necesario anotarse nas dependencias municipais antes do 26 de abril e recoller o correspondente convite que deberá presentarse o día do xantar xunto do DNI – Documento Nacional de Identidade -.
