O Concello de Zas destina uns 50.000 euros dos seus fondos municipais para a contratación dunha brigada que se encargará de realizar os traballos
Continuando coa campaña de hixienización e desinfección das beirrarúas e espazoa públicos dos núcleos de Zas e de Baio, o Concello de Zas vén de poñer en marcha unha nova campaña de limpeza que nesta ocasión esténdese aos demáis núcleos de poboación que forman o municipio.
Para a realización destes traballos, que se levarán a cabo nos vindeiros catro meses, o Concello de Zas destina uns 50.000 euros dos fondos municipais á contratación dunha brigada formada por nove persoas. Esta actuación inclúe o desbroce de cunetas, limpeza do mobiliario urbano e das beirarrúas, entre outros. A campaña iniciouse na parroquia de Meanos, onde xa se acondicionaron os lugares de Langueirón e Vila.
Limpeza e desinfección de beirarrúas
Esta acción é a continuidade da campaña de hixienización e desinfección de beirarrúas e espazos públicos dos diferentes núcleos do noso municipio que se iniciou no pasado mes de xuño. Os traballos, que os desenvolveron usuarios da Asociación Aspaber, iniciarónse nos núcleos de Baio e de Zas.
Nestas tarefas empregouse un limpador orgánico totalmente respectuoso co medio ambiente. A composición deste produto natural é a base de ácidos orgánicos débiles e biodegradables que desinfectan e acaban coas malas herbas.
